नुवाकोट, २ असोज । नुवाकोटको दुप्चेश्वर गाउँपालिका-७ ठूलोखेतमा तादी खोलामा बगेर बेपत्ता भएकी एक वृद्धा मृत फेला परेकी छन् ।
भाद्र ३१ गते नुवाकोट सुर्यगढि गाउँपालिका-३ चोगते बस्ने अन्दाजी ७३ वर्षकी होम कुमारी अधिकारीलाई तादी खोलाले बगाएको थियो ।
खोलामा बगेर बेपत्ता भएकी वृद्धाको खोजतलास गर्ने क्रममा मङ्गलवार बिहान दुप्चेश्वर-६ गौडापुल स्थित तादी खोलामा ढुङ्गामा अड्केको अवस्थामा शव फेला परेको जिल्ला प्रहरी कार्यालय नुवाकोटले जनाएको छ ।
उक्त शवलाई हिजै पोस्टमार्टमको लागि जिल्ला अस्पताल नुवाकोट लगिएकोमा पोस्टमार्टम पश्चात् मृतकको छोराले शव बुझेर लगेको प्रहरीले जनाएको छ ।
