काभ्रे । बनेपा नगरपालिका-७ धनेश्वर गेट नजिकै मोटरसाइकललाई टिपरले ठक्कर दिँदा घाइते भएका मोटरसाइकल चालकको उपचारको क्रममा निधन भएको छ ।
मङ्गलवार बेलुका ९:१० बजेको समयमा बनेपा बाट पनौती तर्फ जाँदै गरेको बा.८४ प ६९५९ नम्बरको मोटरसाइकललाई विपरीत दिशाबाट आउँदै गरेको बा.४ ख.९९७५ न.को टिपरले ठक्कर दिएको थियो ।
उक्त दुर्घटनामा मोटरसाइकल चालक काभ्रे रोसी गाउँपालिका-८ खार्पाचोक घर भएका ३९ वर्षीय सिद्धि कुमार लामा घाइते भएका थिए ।
घाइते लामाको उपचारको लागी सिरमेमोरीयल अस्पताल बनेपा लगिएकोमा टाउकोमा चोट लागेको हुँदा थप उपचारका लागि अन्नपूर्ण न्युरो अस्पताल काठमाडौँ लगिएको थियो ।
उपचारको क्रममा उनको आज बिहान ५:२० बजे निधन भएको जिल्ला प्रहरी कार्यालय काभ्रेका प्रवक्ता प्रहरी नायव उपरीक्षक राजकुमार श्रेष्ठले केटिएम दैनिकलाई बताए ।
टिपर, टिपर चालक र मोटरसाइकल इलाका प्रहरी कार्यालय बनेपाको नियन्त्रणमा छन् ।