काठमाडौँ । एक किशोरीलाई बलात्कार गरेको आरोपमा मध्यपहाडी लोकमार्ग आयोजनाका निर्देशक तथा इञ्जिनियर हरिकुमार पोखरेललाई प्रहरीले पक्राउ गरेको छ ।
पोखरेललाई काठमाडौँको त्रिपुरेश्वरबाट आज पक्राउ गरिएको जिल्ला प्रहरी परिसर काठमाडौँका प्रमुख तथा प्रहरी वरिष्ठ उपरीक्षक दानबहादुर कार्कीले बताए ।
पोखरेलविरुद्ध रामेछाप घर भएकी एक किशोरीले जबरजस्ती करणीसम्बन्धी प्रहरीमा उजुरी दिएपछि अनुसन्धानका लागि पक्राउ गरिएको हो ।
प्रहरीका अनुसार पोखरेलविरुद्ध उनकै घरमा काम गर्न राखिएकी किशोरीले उजुरी गरेकी हुन्।
ती किशोरीले केही समय अघि सामाजिक सन्जालमा आफूलाई पोखरेलले बलात्कार गरेको भन्दै भिडियोसमेत राखेको थिइन् ।
घरमा कोही नभएको मौकामा आफूमाथि पटक पटक यौन दुव्यवहार गरेको पीडित भनिएकी किशोरीले बताएकी छन् ।