हेटौंडा । मकवानपुरको बागमती गाउँपालिका-७ मा जंगली च्याउँ खाँदा एकै परिवारका चार र ज्वाँईसहित पाँच जना बिरामी भएका छन् ।
सोमबार बिहान जंगलबाट ल्याएको च्याउको तरिकारी बनाएर खाँदा उनीहरू विरामी भएका हुन् । विरामी भएपछि उनीहरूको स्थानीय मेडिकल पसलमा सामान्य उपचार गरिएको थियो ।
विरामी हुनेहरूमा बागमती गाउँपालिका- ७ धन्साई खोला बस्ने बर्ष ४५ रेशम वि.क., उनका छोराहरू २० वर्षको पदम वि.क., वर्ष १८ को मदन वि.क., बुहारी वर्ष १९ की सपना वि.क. र ज्वाई वर्ष २२ को प्रदीप वि.क रहेका छन् ।
बोल्न नसक्ने अवस्थामा रहेका उनीहरूलाई थप उपचारको लागि हेटौंडा अस्पतालमा लगिएकोमा बेलुकादेखि सामान्य रुपमा बोल्न थालेको जिल्ला प्रहरी कार्यालय मकवानपुरको सूचना तथा सञ्चार शाखाले जनाएको छ ।