सिरहा । २० भन्दा भन्दा कम उमेरका तीन युवा लागु औषध खैरो हिरोइनसहित पक्राउ परेका छन् ।
जिल्लाको सिरहा नगरपालिका-७ ट्राफिक चोक नजिकैबाट प्रहरीले तीन युवाहरूलाई खैरो हिरोइनसहित पक्राउ गरेको हो ।
स. १० प. ६१७७ नम्बरको मोटरसाइकलमा चढेर आएका तीन युवामाथि शङ्का लागेर चेक गर्दा उनीहरूले बोकेको ब्यागमा लुकाएर राखिएको अवस्थामा खैरो हिरोइन ६२.२१ ग्राम र तौल गर्ने डिजिटल मेसिन बरामद भएको जिल्ला प्रहरी कार्यालय सिरहाका प्रवक्ता प्रहरी नायव उपरीक्षक रबिन्द्र राज पाण्डेले बताए ।
पक्राउ पर्नेमा स्थानीय वर्ष १९ को सत्यनारायण कारक (ब्याग बोक्ने), वर्ष २० को विवेक ठाकुर (मोटरसाइकल चालक) र १९ वर्षको मनिष यादव रहेका डिएसपी पाण्डेले बताए ।
प्रहरीले सोधपुछ गर्दा उक्त लागु औषध सत्यनारायण कारकको कोठाबाट ल्याएको भनेपछि प्रहरीले कारकको कोठाबाट ८.७२ ग्राम लागू औषध (खैरो हिरोइन) समेत बरामद भएको प्रहरीले जनाएको छ ।
पक्राउ परेका तीन जनाउपर जिल्ला अदालत सिरहाबाट लागू औषध मुद्दामा दश दिनको म्याद थप गरेर अनुसन्धान भइरहेको जनाइएको छ ।
