सिन्धुली । काठमाडौंबाट सिन्धुलीतर्फ गइरहेको सवारीसाधन दुर्घटना हुँदा सात जना घाइते भएका छन् ।
आज बिहान पौने ११ बजेतिर जिल्लाको सुनकोशी गाउँलिका-५ साईटार नजिक उक्त दुर्घटना भएको हो ।
काठमाडौंबाट सिन्धुली तर्फ जाँदै गरेको प्र.०२-००१.ज.००४२ नं.को विङ्गर गाडी आफै अनियन्त्रित भई सडकको दाहिने साईडको नालीमा खसेर दुर्घटना भएको जिल्ला प्रहरी कार्यालय सिन्धुलीका प्रवक्ता प्रहरी नायव उपरीक्षक चिरञ्जिवी दाहालले बताए ।
चालकसहित दश जना यात्रु सवार रहेको उक्त गाडीमा सात जना घाइते भएका छन् । घाइतेहरूको शुभजिवन अस्पताल खुर्कोटमा उपचार भईरहेको र गाडी घटना स्थलमा रहेको डिएसपपी दाहालले बताए ।
घाइतेमा सिन्धुलीको कमलामाई नगरपालिका-१ बस्ने वर्ष १८ की शोभा घिमिरे, सोही स्थान बस्ने बर्ष १९ की सन्ध्या घिमिरे, गोलन्जोर गाउँपालिका-४ बस्ने बर्ष ६५ को तेज बहादुर बस्याल, वडा नम्बर-१ बस्ने बर्ष २१ को रामधोज पाख्रिन रहेका छन् ।
अन्य घाइतेहरूमा बिराटनगर महानगरपालिका-१२ बस्ने बर्ष ३२ को सत्य प्रकाश ठाकुर, महोतरी गौशला नगरपालिका-४ बस्ने बर्ष ६१ को पर्शुराम ठाकुर, काठमाण्डौ महानगर-८ बस्ने बर्ष ३८ को महेश डंगोल रहेको प्रहरीले जनाएको छ ।