काठमाडौँ । १६ वर्षीया किशोरीलाई जबरजस्ती करणी गरेको अभियोगमा नागार्जुन नगरपालिका-७ घर भएका ४५ वर्षीय प्रभुराम सिलवाललाई शुक्रवार बिहान प्रहरीले पक्राउ गरेको छ ।
सिलवाले गत सोमबार ती किशोरीलाई ललाई फकाई जबरजस्ती करणी गरेको भन्ने उजुरीको आधारमा प्रहरी वृत्त स्वयम्भूबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
नेपालको कानुनले १८ वर्ष वा सो भन्दा कम उमेरका किशोरीहरूलाई उनीहरूकै मन्जुरीमा शारीरिक सम्बन्ध राखेता पनि उक्त सम्बन्धलाई बलात्कार ठहर गर्दै पीडितको उमेर र परिस्थिति हेरेर विभिन्न सजाय निर्धारण गरेको छ ।