काठमाडौं । धादिङको गजुरी गाउँपालिका-२ विहानी पेट्रोल पम्पनजिक मोटरसाइकल र स्कुटर एक आपसमा ठक्कर खाँदा दुर्घटना भएको छ ।
काठमाडौँबाट चितवन जादै गरेको प्र.३-०२-००६प ५८२६ नम्बरको मोटरसाइकल र बिपरित दिशाबाट आउदै गरेको बा.प्र.०२-०३२प १६५५ नं. स्कुटर मंगलबार दिउँसो ३:१५ बजे एक आपसमा ठक्कर खाएका हुन् ।
उक्त दुर्घटनामा मोटरसाइकल चालक गोरखा नगरपालिका-९ बस्ने बर्ष २६ को लक्ष्मण बानिया घाईते भई उपचारर्थ प्राथमिक स्वास्थ्य केन्द्र गजुरी पठाइएको थियो । उपचारकै क्रममा उनको निधन भएको जिल्ला प्रहरी कार्यालय धादिङका प्रवक्ता प्रहरी नायव उपरीक्षक सन्तुलाल प्रसाद जैसवारले बताए ।
दुर्घटनामा स्कुटर चालक धादिङको गजुरी गाउँपालिका-२ बस्ने बस्ने बर्ष-५५ को चेतनारायण श्रेष्ठ घाईते भएका छन् । उनको गजुरी अस्पतालमा उपचार भइरहेको डिएसपी जैसवारले बताए ।
प्रहरीले दुवै सवारीसाधनलाई नियन्त्रणमा लिएको छ ।