काभ्रे । बाटोमा जाली लगाउने क्रममा सुख्खा पहिरो खस्दा एक कामदारको निधन भएको छ भने दुईजना घाइते भएका छन् ।
जिल्लाको पाँचखाल नगरपालिका-८ चिसापानीमा बाटोमा जाली लगाउने क्रममा माथिबाट सुख्खा पहिरो खस्दा तीनजना पुरिएका थिए ।
पुरिएका कामदाहरूलाई घटनास्थलबाट उद्दार गरी उपचारको लागि धुलिखेल अस्पताल लगिएकोमा सोलुखुम्बुको नेचासल्यान गाउँपालिका-२ घर भई हाल काभ्रेपलाञ्चोकको पाचँखाल नगरपालिका-८ चिसापानी बस्ने बर्ष २३ को कुशल नेपाली (सुन्दाश)को धुलिखेल अस्पताल निधन भएको प्रहरीले जनाएको छ ।
घाइते हुनेहरूमा ओखलढङगाको मानेभञ्याङ गाउँपालिका-३ घर भई हाल जिल्ला पाचँखाल नगरपालिका-८ चिसापानी बस्ने भरत राईको श्रीमती वर्ष २३ की सन्जिता राई र उनको चार वर्षको छोरा साविक राई रहेको जिल्ला प्रहरी कार्यालय काभ्रेका प्रवक्ता डिएसपी ढुण्डीराज न्यौपानेले बताए ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
