धादिङ । काठमाडौंबाट पोखरातर्फ जाँदै गरेको पिकअप भ्यान त्रिशुली नदीमा खस्दा एक व्यक्ति बेपत्ता भएका छन् ।

शुक्रबार बिहान काठडौँबाट पोखरा तर्फ जादै गरेको बा.प्र.०१०२५ च ७९९१ नं.फलाम लोड भएको महेन्द्रा पिक गाडी आफै अनियन्त्रित भई त्रिशुलि नदिमा खसेको थियो ।

उक्त दुर्घटनामा गाडि चालक गुल्मी रेशुङ्गा गाउँपालिका-१० बस्ने बर्ष ३७ को सुजन थापा घाईते भएका छन् भने सहचालक बेपत्ता छन् । सहचालक झापाका शुरेस चौधरी त्रिशुली नदिमा खसेर हिजोदेखि बेपत्ता भएको जिल्ला प्रहरी कार्यालय धादिङले जनाएको छ ।

बेपत्ता चौधरीको खोजीको लागि प्रहरी चौकी जोगिमाराबाट ८ जना र ईलाका प्रहरी कार्यालय गजुरीबाट १५ जनाको टोलि खटिएको भएतापनि अहिलेसम्म उनलाई फेला पार्न सकिएको छैन ।