काठमाडौं । सर्वोच्च अदालतले रवि लामिछानेविरूद्वको मुद्वामा कारण देखाउन आदेश जारी गरेको छ । बुधबार भएको सुनुवाइपछि सर्वोच्चले कारण देखाउ आदेश जारी गरेको हो ।
न्यायाधीश हरिप्रसाद फुयालको एकल इजलासले बुधबार महान्यायाधिवक्ताको निर्णयविरूद्ध परेको रिटमा सुनुवाइ गर्दै कारण देखाऊ आदेश जारी गरेको हो ।
रिट निवेदकको तर्फबाट वरिष्ठ अधिवक्ता डा. सुरेन्द्र भण्डारी, अधिवक्ता रमण कर्ण, अधिवक्ता राधिका खतिवडालगायतले लामिछानेविरुद्ध राहदानी कसुरमा मुद्दा चलाउनु नपर्ने निर्णय बदरको मागसँगै लामिछानेले नागरिकता ब्युँताउँदा अमेरिकी नागरिकता त्यागेको निस्सा बुझाएको नदेखिएकाले राजनीतिक अधिकार प्रयोगमा समेत रोक लगाउन माग गरेका थिए।
झुठा विवरण दिई राहदानी लिएको स्थापित तथ्य हुँदाहुँदै महान्यायाधिवक्ताले मुद्दा नचलाउने निर्णय गरेको भन्दै उक्त निर्णयविरूद्ध अधिवक्ता युवराज पौडेल (सफल)ले सर्वोच्चमा रिट दिएका थिए।
