लहानस्थित प्रादेशिक अस्पतालका नायव सुव्वाको जागिर खोसिएको छ ।
बुधबार विरामी जँचाउन अस्पताल पुगेका एक सेवाग्राहीमाथि गरेको अभद्र व्यवहार गरेको आरोपमा पक्राउ परेका अस्पतालका नायब सुब्बा बासुदेव महतोको नोकरी खोसिएको हो ।
सेवा लिने क्रममा सेवाग्राहीलाई नेपालीमा “मा चि…ने” भन्दै अश्लील गाली गर्ने प्रादेशिक अस्पताल लाहानका नायब सुब्बा महतोलाई बिहीबार नै जागिरबाट निकालेको छ ।
सेवा सुस्त भएको भन्दै एक सेवाग्राहीले ना.सु महतोलाई गुनासो गर्न जादा सामान्य भनाभन पछि चर्काचर्की भएको थियो, सो क्रममा सेवाग्राहीसँग अपशव्द बोल्दै अमर्यादित व्यवहार गरेका थिए ।
एक सरकारी कार्यालय मात्र नभएर प्रादेशिक अस्पताल जस्तो संवेदनशिल क्षेत्रको कार्यालयभित्र कर्मचारीले सेवाग्राहीमाथि यस्तो व्यवहार गरेपछि चौतर्फी आलोचना सहित कारवाहीको माग समेत गरिएको थियो । महतो ईलाका प्रहरी कार्यालय लहानले गिरफ्तार गरेको थियो ।
विहिबार ईलाका प्रहरी कार्यालय लहानमा दुवै पक्षबीच छलफल भएको थियो । छलफलको क्रममा अस्पताल जस्तो संवेदनशिल क्षेत्रका कर्मचारीको हर्कतले अस्पताल प्रशासन माफी माग्दै महतोलाई नोकरीबाट निलम्बन गरिएको कार्यालय प्रमुख डा. विरेन्द्र कुमार महतोद्धारा जारी विज्ञप्तिमा उल्लेख छ ।
