स्थानीय तह निर्वाचनबाट राष्ट्रिय प्रजातन्त्र पार्टी (राप्रपा) ले ६२ वटा वडाको नेतृत्व गर्ने भएको छ ।
अन्य पार्टीबाट पनि वडाअध्यक्ष पदमा पुरुषहरूको बाहुल्यता रहँदा राप्रपाबाट निर्वाचित वडाअध्यक्षमा एकजना पनि महिला उम्मेदवार पर्न सकेनन् ।
राप्रपा अध्यक्ष राजेन्द्र लिङ्देनको गृह जिल्ला समेत रहेको झापा जिल्लामा अघिल्लो निर्वाचनको तुलनामा राप्रपाले राम्रै नतिजा ल्यायो । केपी शर्मा ओलीको गृह नगरमा राप्रपाका राम थापा निर्वाचित भए । दमक नगरपालिकामा सत्ता गठबन्धनसँग चुनावी तालमेल गरेर भए पनि राप्रपाले दमक नगरको प्रमुख पदमा आफ्ना उम्मेदवार निर्वाचित गराउन सफल भयो ।
२०७४ सालमा तीन पालिका प्रमुख जितेकोमा अहिले राप्रपामा दुई पालिका प्रमुखमा खुम्चिएको छ भने उपप्रमुखमा भने अघिल्लो भन्दा थप एक बढाएर दुई पालिकामा विजयी भएको छ ।
वडा अध्यक्ष पदमा समान सिट भएता पनि सदस्य पदमा भने अघिल्लो निर्वाचनको तुलनामा सात सिट बढी जित्दै ३१ वडा सदस्य निर्वाचित भएका छन् । समग्रमा ४२ जनप्रतिनिधिहरू निर्वाचित गराउँदै राप्रपा झापा जिल्लामा तेस्रो पार्टी बन्न सफल भएको छ ।
निर्वाचन आयोगका अनुसार सातवटै प्रदेशमा वडाअध्यक्ष पदमा राप्रपाका उम्मेदवार विजयी भएका छन् । सबैभन्दा बढी लुम्बिनी प्रदेशमा २१ जना, प्रदेश १ र बागमती प्रदेशमा समान १४/१४ जना, मधेश प्रदेशमा ६ जना, सुदूरपश्चिम प्रदेशमा ५ जना, गण्डकी र कर्णाली प्रदेशमा १/१ जना निर्वाचित भएका हुन् ।
राजेन्द्र लिङ्देनको नेतृत्वमा रहेको उक्त पार्टीले चुनावअघि धेरै सिट ल्याउने विश्वास गरिएको थियो तर निर्वाचनको नतिजाले भने सो अवस्था देखाएन ।
उक्त पार्टीले काठमाडौंको शङखरापुर नगरपालिका, झापाको दमक नगरपालिका र हल्दीबारी गाउँपालिका, कपिलवस्तुको शिवराज नगरपालिकाको प्रमुख पदमा जित निकाल्यो । दमकमा राप्रपाले सत्ता गठबन्धनसँग मिलेर ६ दलको साझा उम्मेदवार खडा गरेको थियो भने हल्दीबारीमा अध्यक्ष लिङ्देनका भाई रविन्द्र प्रसाद लिङ्देन दोस्रोपटक गाउँपालिका अध्यक्षमा निर्वाचित भएका हुन् ।
यी हुन् राप्रपाबाट वडाअध्यक्षमा निर्वाचित भएका उम्मेदवारहरू