नेपाली कांग्रेसका महामन्त्री गगन थापाले निर्वाचनमा गठबन्धन गरेर जाने सम्बन्धमा आफ्नो पार्टीमा कुनै निर्णय नभएको बताएका छन् ।

कुडा कर्णाली उत्सवका लागि सुर्खेत आएका महामन्त्री थापाले गठबन्धन गरेर निर्वाचनमा जाने निर्णय कांग्रेसले नगरेको बताएका हुन् ।

अहिलेको गठबन्धन विशेष परिस्थितिमा बनेको भन्दै थापाले यही गठबन्धन सरकारले तिनै तहको निर्वाचन बनाउने सन्दर्भमा कुनै अलमल नरहेको बताए । ‘तर, यो गठबन्धन निर्वाचनमा तालमेल गर्ने विषयसँग सम्बन्धित् छ,’ उनले भने, ‘यो पटक पनि चुनावमा तालमेल गरेर जाने कि एक्ला एक्लै लड्ने भन्ने विषयमा बल्ल छलफल सुरु भएको छ ।’

यो पढ्न छुटाउनु भयो कि

• . नक्कली शरणार्थी प्रकरणमा गगन थापाको टिप्पणी : कानुन भन्दा माथि कोही हुँदैन

• . अयोग्य लडाकूलाई रकम बाँड्ने सरकारको निर्णय रोक्नुपर्छः गगन थापा

• . सरकारमा नयाँ अनुहारले स्थान पाउनु पर्छ : महामन्त्री थापा

• . फागुन १० गतेभित्र वर्तमान सत्ता गठबन्धन भत्किन्छ : महामन्त्री थापा

• . राष्ट्रपतिलगायत विशिष्टको सवारीका लागि थापाका दुई सुझाव

पार्टीभित्र गठबन्धनमा निर्वाचन लड्ने र आफ्नै तागतमा निर्वाचन लड्ने दुईवटा मत रहेको भन्दै महामन्त्री थापाले चैत दोस्रो साताभित्र निर्णय हुने बताए ।

‘अहिले कांग्रेसले चुनावी अभियान सञ्चालन गरिरहेको छ । तल्लो तहको समिति र नेताहरूको रायका आधारमा पार्टीको केन्द्रीय समितिले निर्णय गर्छ,’ उनले भने, ‘नेपाली कांग्रेस आगामी दिनमा यसको निर्णय लिन्छ ।’