काठमाडौँ । सत्तारुढ नेपाली कांग्रेसका महामन्त्री गगन थापाले नक्कली भुटानी शरणार्थी बनाएर ठगी प्रकरणमा ठगी गिरोहको भीआईपी जालो उजागर भएको भन्दै गृह प्रशासनको प्रशंसा गरेका छन् ।
आज (बिहीबार) सामाजिक सञ्जालमार्फत महामन्त्री थापाले सो प्रकरणमा अझै गहिरो अनुसन्धान र संलग्न जोसुकै, जेसुकै ओहदा र शक्तिको भए पनि कारबाहीको दायरामा ल्याउन आग्रह गरेका छन् ।
उनले यो ठगी प्रकरण घटना नभएर प्रवृत्तिको रुपमा देखा परेको बताए । ‘नक्कली भुटानी शरणार्थी बनाएर लैजाने ठगी प्रकरणको अनुसन्धानका क्रममा ‘ठगी गिरोहको भीआईपी जालो’ उजागर हुँदै गएको छ ।
यो प्रकरणमा गृह प्रशासनको प्रयास प्रशंसनीय छ,’ उनले लेखेका छन्, ‘यो घटना होइन प्रवृत्ति हो ।अझै गहिरोसँग अनुसन्धान होस् । कोही नछुटून् । संलग्न जोसुकै, जुनसुकै ओहदा र शक्तिको होस्, कानुन भन्दा माथि कोही हुँदैन ।’
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
