नेपाल आयल निगमले पेट्रोलियम पदार्थको मूल्य बढाएको छ । पेट्रोल तथा डिजेल/मटितेलको साबिकको खुद्रा बिक्री मूल्यमा प्रतिलिटर ५ रुपैयाँ मूल्य बढेको छ । अब पेट्रोलको मूल्य प्रतिलिटर १५०, डिजेल र मट्टितेलको १३३ रुपैयाँ पुगेको छ ।
हवाई ईन्धन (आन्तरिक उडानतर्फ)को साविकको खुद्रा बिक्री मूल्यमा प्रतिलिटर १९ रुपैयाँले वृद्धि गरेर १३६ रुपैयाँ कायम गरिएको छ भने हवाई इन्धन अन्तर्राष्ट्रियतर्फ प्रतिलिटर अमेरिकी डलर १.२९५ कायम गरिएको छ । यसअगाडि यो मूल्य प्रतिलिटर अमेरिकन डलर १.१९५ थियो ।
यो मूल्य समायोजन पछि पनि निगमलाई पेट्रोलमा प्रति लिटर रू. १६.२८, डिजेलमा प्रति लिटर रू. ११.७८ र एलपी ग्यासमा प्रति सिलिण्डर रू. ६६५.३४ घाटा कायम रहने बताइएको छ ।
मट्टितेल र हवाइ इन्धन (आन्तरिक र बाह्य) दुवैमा निगमलाई नाफा छ । निगमले आज जारी गरेको विज्ञप्ती अनुसार मट्टितेलमा प्रतिलिटर रु १९.५१, हवाई ईन्धन (आन्तरिक उडानतर्फ) रु २३.०८ र हवाई इन्धन अन्तर्राष्ट्रियतर्फ रु ६०.२६ नाफा छ ।
बैशाखयता १५ पटक मूल्यवृद्धि
वैशाख २०७८ महिनायता नेपालमा १५ पटक पेट्रोलियम पदार्थको मुल्य वृद्धि (समायोजन) भएको छ । ११ महिनाको अवधिमा १५ पटक भएको मूल्य समायोजनमा एकपटक मात्र मूल्य घटेको छ भने दुईपटक पेट्रोल, डिजल मट्टितेल र खाना पकाउने ग्याँसको मूल्य यथावत राखेर हवाई इन्धन समायोजन गरिएको छ ।
यो ११ महिनाको अवधिमा पेट्रोल, डिजल र मट्टितेलमा प्रतिलिटर २९ रुपैयाँ मूल्य बढेको छ ।
नेपाल आयल निगमको वेवसाइटमा राखिएको मूल्यसूची हेर्दा २०७८ साल वैशाख ४ गते पेट्रोलको मुल्य १२१, डिजेल र मट्टितेलको को मुल्य १०४ तोकेको थियो । खाना पकाउने ग्याँसको मूल्य प्रतिसिलिन्डर १ हजार ४०० रुपैयाँ थियो ।
जेठ २ गते नेपाल आयल निगमले पेट्रोल, डिजेल र मट्टितेलमा प्रतिलिटर रु २ का दरले मुल्य बढाएर नयाँ मुल्य सार्वजनिक गर्यो । जसअनुसार पेट्रोलको मुल्य प्रतिलिटर १ सय २३ रुपैंया, डिजेल र मट्टितेलको मुल्य एक सय ६ रुपैंया कायम भयो ।
मुल्य बढाएको २० दिनपछि फेरी जेठ २२ गते गते पेट्रोल डिजेल र मट्टितेलमा २/२ रुपैंया बढाएर नयाँ मुल्य कायम भयो । जेठ २३ गते मूल्य समायोजन गरेको निगमले अन्तर्राष्ट्रिय हवाई इन्धनको मूल्य लिटरमा १७८ कम गर्दा अरू पेट्रोलियम पदार्थकोम मूल्य यथावत नै राख्यो ।
असार ९ गते पुन निगमले पेट्रोल, डिजेल र मट्टितेलमा प्रतिलिटर रु २ का दरले मुल्य बढाएर नयाँ मुल्य सार्वजनिक गर्यो । जसअनुसार पेट्रोलको मुल्य प्रतिलिटर एक सय २७ रुपैंया, डिजेल र मट्टितेलको मुल्य एक सय १० रुपैंया कायम भयो ।
असार २२ गते निगमले पेट्रोल, डिजेल र मट्टितेलमा प्रतिलिटर रु २ का दरले मुल्य बढाएर नयाँ मुल्य सार्वजनिक गर्यो । जसअनुसार पेट्रोलको मुल्य प्रतिलिटर एक सय २९ रुपैंया, डिजेल र मट्टितेलको मुल्य एक सय १२ रुपैंया कायम भयो ।बैशाखदेखि नै नबढेको खाना पकाउने ग्याँस सिलिन्डरको मूल्य असार २२ गतेदेखि प्रतिसिलिन्डर २५ रुपैयाँ बढेर १ हजार ४२५ कायम भयो ।
असार ३० गते मूल्य समायोजन गर्दै निगमले पेट्रोल, डिजेल र मट्टितेलमा प्रतिलिटर १ रुपैयाँ घटायो ।
भदौ ७ गते निगमले पेट्रोल, डिजेल र मट्टितेलमा प्रतिलिटर रु २ का दरले मुल्य बढाएर नयाँ मुल्य सार्वजनिक गर्यो । जसअनुसार पेट्रोलको मुल्य प्रतिलिटर एक सय ३० रुपैंया, डिजेल र मट्टितेलको मुल्य एक सय १३ रुपैंया कायम भयो । खाने पकाउने ग्याँसको मूल्य पनि २५ रुपैयाँ बढेर प्रतिसिलिन्डर १ हजार १४० कायम भयो ।
निगमले प्रत्येक १५ दिनमा मुल्य समायोजन गर्ने भनेतापनि भदौ ७ गतेपछि कात्तिक १२ गते मात्रै मूल्य समायोजन गर्यो ।कात्तिक १२ गते पेट्रोल, डिजेल र मट्टितेलमा प्रतिलिटर रु ३ का दरले मूल्य बढ्दा खाने पकाउने ग्याँसको मूल्य ५० रुपैयाँ बढाइयो ।
कात्तिक २५ गते निगमले पेट्रोल, डिजेल र मट्टितेलमा प्रतिलिटर रु ३ का दरले मुल्य बढाएर नयाँ मुल्य सार्वजनिक गर्यो । जसअनुसार पेट्रोलको मुल्य प्रतिलिटर एक सय ३६ रुपैंया, डिजेल र मट्टितेलको मुल्य एक सय १९ रुपैंया कायम भयो । खाना पकाउने ग्याँसको मूल्य पनि ७५ रुपैयाँ बढेर प्रतिसिलिन्डर १ हजार ५७५ कायम भयो ।
मंसिर र पुष महिनाभर मूल्य समायोजन नगरेको निगमले माघ ५ गते पुन पेट्रोल, डिजेल र मट्टितेलमा प्रतिलिटर रु ३ का दरले मुल्य बढाएर नयाँ मुल्य सार्वजनिक गर्यो ।
माघ १८ गते पुन नयाँ मूल्यसूची सार्वजनिक भयो । नयाँ मूल्यसूचीमा पहिलाको जस्तै पेट्रोल, डिजेल र मट्टितेल प्रतिलिटर रु ३ का दरले बढेर पेट्रोल एक सय ४२, डिजेल र मट्टितेल प्रतिलिटर १२५ कायम भयो ।
फाल्गुन ७ गते निगमले पेट्रोल, डिजेल र मट्टितेलमा प्रतिलिटर रु ३ का दरले मुल्य बढाएर पेट्रोल प्रतिलिटर एक सय ४५, डिजेल र मट्टितेल प्रतिलिटर १२८ कायम गर्यो।
फाल्गुन ८ गते मूल्य समायोजन गरेको निगमले अरू पदार्थको मूल्य यथावत राख्दै आन्तरिक हवाई इन्धनको मूल्य प्रतिलिटर रु १० ले घटायो ।
आज (फाल्गुन १९ गते ) नेपाल आयल निगमले एक विज्ञप्ती जारी गर्दै मध्यरातबाट नयाँ मूल्य सार्वजनिक गरेको छ । पेट्रोल, डिजल र मट्टितेलमा प्रतिलिटर ५-५ रूपैयाँका दरले मूल्य बढेको निगमले जनाएको छ ।
निगमका अनुसार अब पेट्रोलको मूल्य प्रतिलिटर १५० रूपैयाँ पुगेको छ भने डिजेल र मट्टीतेलको मूल्य प्रतिलिटर १३३ रुपैयाँ पुगेको छ । एलपी ग्यासको मूल्य कात्तिक २५ गते यता यथावत नै अर्थात प्रतिसिलिन्डर एक हजार ५७५ नै छ ।