राष्ट्रिय प्रजातन्त्र पार्टीका अध्यक्ष राजेन्द्र लिङ्देनले शासन सत्ता हातमा लिनेहरूको सम्पत्ति छानविन गर्न माग गरेका छन् ।
झापाको सुरुङ्गामा आयोजित कार्यकर्ता भेटघाट कार्यक्रमलाई सम्बोधन गर्दै उनले केही राजनीतिक दलका नेताले राजनीतिलाई गलत ढङ्गले प्रयोग गरेको हुनाले उनीहरूको सम्पत्ति छानविन गर्न माग गरेका हुन् । कार्यक्रमलाई सम्बोधन गर्दै अध्यक्ष लिङ्देनले भने ‘राजाको पैसा ल्याउछौ भनेर शासन सत्ता हातमा लिनेहरुको सम्पत्ति छानबिन गरौं न, राप्रपा बाटै शुरु गरे भै हाल्यो नि हामी जहिले पनि तयार छौं ‘।
कन्काई नगरपालिका वडा न ३ स्थित खानेपानी उपभोक्ता समितिको सभाहलमा सम्पन्न कार्यकममा अध्यक्ष लिङ्देनले कांग्रेस, एमाले र माओवादी मिलेर देश लुटिरहेको कुरा नेपाली जनताले बुझिसकेको बताए ।
उनले लोकतन्त्रलाई बलियो बनाउन राजनीतिक सेन्डिकेट अन्त्य गर्नुपर्ने समेत बताए ।
कार्यक्रममा राप्रपाका झापा जिल्ला अध्यक्ष केशवप्रसाद ओझाले राजनीतिमा युवा वर्गलाई नेतृत्वमा पुर्याउनुपर्छ भन्ने धारणा राखे ।
पछिल्ला दिनहरूमा राप्रपामा प्रवेश गर्नेहरूको सङ्ख्या बढ्न थालेको छ । कार्यक्रममा २०० जना भन्दा बढी स्थानीयहरु विभिन्न पार्टी परित्याग गरि राप्रपामा प्रवेश गरेका छन् । राप्रपा प्रवेश गर्नेहरू मध्ये अधिकांश युवा समुदायका रहेका छन्।