बुटबल । राष्ट्रिय प्रजातन्त्र पार्टीका अध्यक्ष राजेन्द्र लिङदेनले सके सदनबाट नभए सडकबाट भएपनि नेपाललाई हिन्दुराष्ट्र कायम गराएरै छाड्ने बताएका छन् ।
विश्व हिन्दु महासंघ नेपालको महासभा तथा आठौं महाधिवेशनलाई रुपन्देहीको बुटवलमा आज सम्बोधन गर्दै उनले सो कुरा बताएका हुन् । जनताले विश्वास गरेमा दुई तिहाई बहुमत ल्याएर हिन्दुराष्ट्र कायम गर्ने र जनताले हतार गरे काठमाडौं घेरेर भए पनि हिन्दुराष्ट्र कायम गराएरै छाड्ने उनले दाबी गरे ।
राजनीतिबाटै नेपाललाई धर्मनिरपेक्षता घोषणा गरिएको बताउँदै उनले राजनीतिबाटै नेपाललाई फेरि हिन्दुराष्ट्र कायम गर्न सकिने विश्वास व्यक्त गरे । उनले भने, ‘नेपाललाई हिन्दुराष्ट्र बनाएपछि बरु हामी कांग्रेस, एमाले, माओबादी जे जे बन्ने हो बनौँला अहिलेलाई सबै एक ठाँउमा आउँ र देशका लागि लडौँ ।’