सेवाग्राहीसँग घुस लिएको आरोपमा सर्लाहीको ईश्वरपुर नगरपालिका–११ का वडा सदस्यद्वय सोनेलाल साह र उमेश राय पक्राउ परेका छन् । अख्तियार दुरुपयोग अनुसन्धान आयोग बर्दिवासको टोलीले वडा सदस्यद्वयलाई लालबन्दी नगरपालिका–७ स्थित कृष्ण इन्टरप्राइजेजबाट सोमबार नियन्त्रणमा लिएको हो ।
काम मिलाइदिन्छु भन्दै एक लाख ५० हजार रुपैयाँ घुस लिएपछि उनीहरूलाई नियन्त्रणमा लिएर अनुसन्धान सुरु गरिएको अख्तियारले जनाएको छ ।
५६ वर्षीय साह र ४२ वर्षीय राय दुवैजना सेवाग्राहीलाई स्थानीय तहको सेवा उपलब्ध गराए वापत घुस लिँदै गरेको अवस्थामा पक्राउ परेका हुन् । उनीहरू दुवैलाई काठमाडौंस्थित अख्तियारको केन्द्रीय कार्यालयमा पठाई थप अनुसन्धान गरिने अख्तियार स्रोतले बताएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
