प्रधानमन्त्री शेरबहादुर देउवाले अब उप्रान्त आफ्नो प्रशंसा गरिएका भिडियोहरु सामाजिक संजालमा नआउने बताउनु भएको छ ।
शुक्रबार आफ्नै निवासमा बसेको काँग्रैस केन्द्रीय कमिटीको बैठकमा उठेका प्रश्नको उत्तर दिँदै देउवाले आगामी दिनमा आफ्नो प्रशंसाका भिडियो नआउने बताउनुभयो ।
उक्त खालका भिडियोबाट बच्न सुझाव दिएका एक नेतालाई जवाफ दिँदै प्रधानमन्त्री देउवाले त्यस किसिमका भिडियो नबनाउन निर्देशन दिइसकेको बताउनुभयो ।
देउवाले भन्नुभएको छ, ‘मैले उक्त भिडियो बनाउनेलाई रोक्न रोक्न भनिसकेको छु। अब उप्रान्त यस्तो भिडियो आउँदैन।’
प्रधानमन्त्री शेरबहादुर देउवाकै सचिवालयबाट देउवा मलाई मनपर्छ भन्दै भिडियोहरु सार्वजनिक भएका थिए । उक्त किसिमका भिडियोहरुलाई लिएर नेपाली काँग्रेमा चर्को आलोचना भइरहेको थियो ।