बलात्कार पछि हत्या भएको करिब १५ दिनपछि बैतडीको दोगडाकेदार गाउँपालिका–७ मा १७ बर्सिया भागीरथी भट्टको बलात्कारपछि हत्यामा संलग्न दिनेश भट्टलाई प्रहरीले सार्वजनिक गरेको छ ।
भागीरथी पढ्ने सनातन माध्यमिक विद्यालयको कक्षा ११ मा पढ्ने भट्टको प्रकरणमा संलग्नता पुष्टि भएपछि उनलाई प्रहरीले सार्वजनिक गरेको हो ।
पछिल्लो समय हत्या , हिंसा, बलात्कार जस्ता जघन्य अपराधका घटनाहरु दिनानुदिन बढ्दै गइरहेका छन्।
केही समय अगाडी मात्र बझाङको मष्टा गाउँपालिका २ की १२ वर्षीय बालिका सम्झना कामीको बलात्कार पछि हत्या भयो ।
अढाई वर्षअघि कञ्चनपुरकी बालिका निर्मला पन्तको बलात्कारपछि हत्याको झझल्को दिने घटना घटिरहेको छ । तर पनि अपराधी पक्राउ पर्न सकेका छैनन् । पक्राउ परेपछि विभिन्न बहाना र राजनीतिक दबाबले गर्दा उनीहरू चाडै छुट्ने गरेका उदाहरणहरू हाम्रो समाजमा प्रशस्त पाइन्छ ।
कोरोनाको कहर र लकडाउनको बिचमा पनि यौन हिंसा, बलात्कारका घटनाहरू बढेर गएको देखिन्छ। अहिले भागीरथीको बलात्कार र हत्याको विषयलाई लिएर सामाजिक सञ्जालमा बहस हुन थालेको छ । भागीरथी भट्टको बलात्कार र हत्याले उब्जाएका ४ प्रश्नहरू यस प्रकार छन् ।
१- पूर्वेली सभ्यता बोकेको नेपाली समाजमा के बालबालिका , चेलीबेटी र वृद्ध आमाहरू असुरक्षित बन्दै गएका हुन ? कानुनको फितलो कार्यान्वयन र पैसामा बिक्ने न्यायले पुरुषलाई अपराधी बन्न थप मलजल र उद्वेलित त बनाएको छैन ?
२- भर्खरैको १७ वर्षको युवा यस्तो अपराधी मानसिकता र कसरी हिंस्रक बन्न सक्यो होला ? कुन चिज र ग्रन्थले हामी पुरुषलाई गलत मानसिकतामा अब्बल बनाउँदै लगेको छ ?
३- उस्तै उमेर समूह वा शारीरिक बनावट उस्तै भएका दुवै महिला र पुरुष वा केटा र केटीमा यदि केटाले कुनै हतियारको प्रयोग बिना वा खास किसिमको डर त्रास वा लोभ लालच नदेखाई के बलात्कार गर्न सम्भव छ ? शारीरिक बनावट उस्तै , समान उमेर तथा केटी पनि केटा कै हाराहारीमा बलियो भए के एक्लो केटाले बलात्कार गर्न सक्छ ?
४- भर्खरै १७ वर्ष पुगेको युवाले आफ्नो सारा उद्देश्य र लक्ष्यविहीन बनेर आफूले नगरेको गल्ती चाहे डर त्रास वा चाहे पैसाको प्रलोभनमा कबुल गरेर नक्कली दोषी बन्न तयार हुन्छ/ होला ?
नोट – आफ्ना चेलीबेटी र आमाहरू सुरक्षित चाहने पुरुषहरू अरूको चेलीबेटी र आमाहरू प्रति किन हिंस्रक र यौन पिपासु बनिरहेका छन् ? के आफ्ना जस्तै अरूको चेलीबेटी र आमाहरू पनि सुरक्षित हुन नपाउने हो र ??
पुनश्च – पुरुष मित्रहरू नभुलौँ मन र माया जिते संसार पाइन्छ ।
