काठमाडौं उपत्यकामा बिभिन्न व्यक्तिहरुलाई धम्क्याउँदै रकम असुली गर्न खोज्ने तीन जनालाई प्रहरीले पक्राउ गरेको छ ।
उनीहरुले काठमाडौं उपत्यकाका बिभिन्न ब्यक्तिहरुलाई फोन तथा एसएमएस गरी ज्यान मार्ने डर धाक धम्की देखाई लाखौं रकम माग गर्ने गरेको अनुसन्धानमा खुलेको छ ।
महानगरीय अपराध महाशाखाबाट खटिएको टोलीले दोलखा मेलुङ् गाउँपालिका वडा नं. २ स्थायी घर भएर हाल काठमाडौंको असनमा बस्ने १९ वर्षिय प्रदिप कार्की, सोही जिल्लाको शैलुङ् गाउँपालिका वडा नं. ८ घर भइ हाल असनमा बस्ने १९ वर्षको सुरज भण्डारी र सोही स्थानका २१ वर्षिय किरण कार्कीलाई बागबजार मोडल अस्पताल अगाडीबाट आइतबार दिउँसो पक्राउ गरेर आज सार्वजनिक गरेको हो ।
उनीहरुको साथ बाट धम्क्याउन प्रयोग गरेको ५ वटा मोबाईल तथा सिमहरु समेत बरामद गरी प्रारम्भिक अनुसन्धान गरी थप अनुसन्धानको लागि महानगरीय प्रहरी वृत नयाँ बानेश्वर पठाईएको छ ।