लकडाउन बाट प्रभावित सिटि रिक्सा चालकहरुले सिरहाको लहानमा सरकार विरुद्ध बिरोध प्रदर्शन गरेका छन्।
लकडाउन को कारण रोजगारी गुमाएका सिटि रिक्सा चालकहरुले आफ्नो माग राख्दै नारा जुलुस गर्दै प्रदर्शन गरेका हुन्।
लामो समयदेखि लकडाउन भएका कारण दैनिक गुजारा चलाउन समस्या भएपछी आन्दोलन गर्नुपरेको सिटि रिक्सा चालक सिब कुमार महतो बताउँछन् ।
उनी भन्छन् “नेपालमा लकडाउन खुकुलो भयो सबै पसलहरु खुला छन् तर सिटि रिक्सा श्रमिकहरु मारमा परेका छन्। उनीहरु तीन महिना देखि रिक्सा चलाउन नपाउदा परिवारको छाक टार्न गाह्रो छ । रिक्सा किन्दा धेरैले बैंकक बाट ऋण ,कर्जा लिएर रिक्सा खरिद गरेको हुन्छ, अहिले बैंकको ब्याज तिर्न ठुलो समस्या भएको छ।”
सिरहाको लहान नगर भित्र रहेर रिक्सा चलाएरै जिविकोपार्जन गरेका ९६ जना रिक्सा चालकहरु आ -आफ्नो सवारी लिएर सडकमा और्लिएका हुन ।
लहान ३ को पुरानो बसपार्क देखि सुरु गरिएको बिरोध र्याली जय नेपाल चिया पसल अगाडी आएर कोण सभामा परिणत भएको थियो।
