आइतबार बिहान भाइरल भएकाे एउटा अन्तर्वार्ताकाे कारण वर्षा राउत सामाजिक सञ्जालमा आलाेचित बन्न पुगेको छिन् । उनले सामाजिक सञ्जालमा आएर माफी मागेपनि धेरैले उनलाइ माफ गर्न सकेकाे छैन्न । मनिषाले दिएकाे एउटा अभिव्यक्त्तिकाे कारण उनले नेपालमा राम्राे चर्चा कमाइन् । भारतीय मिडियाले उनकाे खेदाे खने । तर नेपाली पनि के कम उनकाे समर्थनमा उत्रिए । राजेश हमाल देखि निखिल उप्रेतीसम्म उनकाे समर्थनमा उत्रिए । उसाे त नेपाली अभिनेत्रीहरुले पनि उनलाई मज्जाले साथ दिए ।
“वर्षाकाे भारतीय साथीलाई कसरी फेस गर्नु” भनेपछि उनका फ्यानहरु दुखी भए । केकी अधिकारी देखि लिएर निता ढुङगानाले समेत राष्ट्रियता सिकाउन भ्याए । पछि रिमा विश्वकर्मा भने उनलाई समर्थन गर्न आइन ।
त्यसपछि आइतबार नै उनले जनता टेलिभिजनबाट प्रसारण हुने कार्यक्रम ‘जनता जान्न चाहन्छन्’ कार्यक्रममा अन्तर्वार्ता दिइन् । उनी त्याे अन्तर्वार्ताबाट पनि आलाेचनाकाे शिकार भइन् । नेपाली कलाकारहरु बिदेशमा पलायन भएकाे कुरालाई उनले उठान गर्दा अमेरिकामा रहेकी जल शाह आक्राेशित बनेकी हुन् ।
हाल अमेरिकामा रहेकी कुनै बेलाकी चर्चित नायिका जल शाहले आफ्नो नेपाल आमालाई माया गर्न नेपालमा नै बस्नुपर्छ भनेर प्रश्न गर्दै रोष व्यक्त गरेकी हुन् । नेपालमा बस्ने मात्र नेपाली हैन्न अमेरिकामा बसेर पनि म नेपाललाई माया गर्छु भन्दै उनले ‘खोक़्रो राष्ट्रवाद मुर्दाबाद’ भनेर वर्षालाई काउन्टर दिएकी छिन् ।
सोमबार आफ्नो आधिकारिक फेसबुक अकाउन्टमा उनले यस्तो प्रश्न सोध्दै लेखेकी छिन्, ‘केही मानिसहरुको बोली अनुसार म देशलाई माया गर्छु त्यसैले म विदेशमा बसेको छैन । यो कस्तो मानसिकता हो ? कत्तिको जायज छ ? तर यदि तपाईंको देशप्रतिको कर्तव्य र योगदान हेर्ने हो भने त्यो त शून्य छ । नेपालमा बस्दैमा आफूमात्र इमान्दार ? कस्तो खोक्रो बोली छिन छिनमा बदलिँदै जाने ?’
यसका साथै उनले नेपालीहरु कोही पनि आफ्नो देश र परिवारबाट टाढा हुन नचाहने र संसारभरी छरिएर आफ्नो सीप अनुसारको काम गर्दै परिवारको पेट पालिरहेको बताएकी छिन् ।
यसबारे उनले प्रश्न सोधेकी छिन्, ‘उनीहरूलाई ,मलाईं जस्तै देशप्रतिको कर्तव्य, सम्मान र प्रेम देखाउन कसैको अनुमति चाहिन्छ र ? देशमा जुनसुकै विपत्ति आइपर्दा पनि विदेशमा बस्ने नेपालीहरू एक भएर अगाडि बढेका छन् ,सहयोगका लागि ।’
उनले नेपालीको पनि दुईवटा जात हुन्छ र भनेर प्रश्न सोधेकी छिन् । निकै कडा शब्दमा उनले लेखेकी छिन्, ‘नेपालमा बस्ने नेपालीहरुको रगतको रंग गाढा रु नेपाल बाहिर बसोबास गर्ने नेपालीहरुको रगतको रंग फिक्का रु नेपालीको पनि दुइवटा जात हुन्छ र रु के बाहिर वस्ने नेपाली , नेपाली नै होइनन्रु देशमा बसेर ठूलो ठूलो गफ हाकेर आफ़नो देशलाई ठग्न र नङ्ग्याउन हामीलाई त आउदैन । हामीलाई आफ्नो देश रक्षाको लागी मर्न चाही आउँछ ।’
उनको पुरा स्टाटस पढौं ।
