एनपीएलमा आज शनिबार दुई खेल हुँदै छन । बिहान ११:१५ मा शुरु हुने आजको पहिलो खेलमा कर्णाली याक्स र लुम्बिनी लायन्स खेल्दैछन । लुम्बिनीले यस अघिको अघिल्लो खेलमा चितवनलाई हराएको थियो भने कर्णाली चितवनसङ्ग पराजित भएको थियो । त्यसैले सोमपाल कामी नेतृत्त्वको कर्णाली जारी प्रतियोगीतामा पहिलो जितको खोजीमा छ । रोहित पौडेल नेतृत्त्वको लुम्बिनी भने जितलाई निरन्तरता दिन चाहन्छ । गत संस्करणमा भने कर्णालीले लुम्बिनीलाई ५ रनले हराएको थियो ।
दिउँसो ३:३० मा शुरू हुने आजको दोस्रो खेलमा काठमान्डु गोर्खाज र विराटनगर किङ्स खेल्ने छन् ।
काठमान्डुले यसअघि खेलेका दुईमध्ये एक जीत र एक हार व्यहोरेको छ । विराटनगरको भने आज दोस्रो खेल‌ खेल्न लागेको हो । पहिलो खेलमा बिराटनगरले पोखरालाई हराएको थियो । सन्दीप लामिछानेको कप्तानी र पुबुदु दासानायकेको प्रशिक्षणमा रहेको बिराटनगर २ जीतसहित तालिकाको शिर्ष स्थानमा उक्लने दाउमा छ । काठमान्डुले सुरुवाती खेलमा जनकपुर बोल्ट्सलाई पराजित गरे पनि दोस्रो खेलमा सुदूरपश्चिम रोयल्ससँग पराजित भएको थियो ।

गत संस्करणमा काठमान्डु गोर्खाजले विराटनगर विरुद्ध १ विकेटले हराएको थियो ।
दोस्रो सिजनको एनपीएलमा हालसम्म सुदूरपश्चिम रोयल्स ४ अंक जोडेर शीर्ष स्थानमा छ ।