काठमाडौँ । चीन–नेपाल सीमामा रहेको केरुङ नाका क्षेत्रमा गएको भीषण पहिरोमा परी हालसम्म सात जनाको मृत्यु भएको पुष्टि भएको छ । सिजाङको आपत्कालीन व्यवस्थापन विभागका अनुसार शनिबार बिहान १ बजेसम्म ५ सय ५४ जना अझै बेपत्ता छन् ।
पहिरोपछि प्रभावित क्षेत्रमा उद्धार टोली परिचालन गरिएको छ । उद्धारकर्ताहरू कम्मरसम्म आउने बाक्लो हिलो र लेदो पार गर्दै पहिरो प्रभावित क्षेत्रको मुख्य भागमा पुग्ने प्रयास गरिरहेका छन् । कठिन भौगोलिक अवस्था तथा बाक्लो लेदोका कारण उद्धार कार्य चुनौतीपूर्ण बनेको अधिकारीहरूले बताएका छन् ।
चीनको दक्षिण–पश्चिमी क्षेत्रमा पर्ने केरुङ नाका नेपालसँगको व्यापारिक आवागमनका लागि महत्वपूर्ण नाका हो । पहिरोबाट भएको जनधनको क्षतिको विवरण संकलनसँगै बेपत्ताहरूको खोजी तथा उद्धार कार्यलाई स्थानीय प्रशासनले तीव्र बनाएको छ ।
स्रोत : सिन्ह्वा
