काठमाडौँ, ६ भाद्र । आज नेपाली बजारमा सुनचाँदीको मूल्य घटेको छ ।
विहिबार सुन अघिल्लो दिनको तुलनामा तोलामा ११ सयले घटेर एक लाख ५१ हजार ९ सयमा कारोबार भएको नेपाल सुनचाँदी व्यवसायी महासंघले जनाएको छ । यस अघि बुधबार सुन अहिलेसम्मकै उच्च मूल्यमा कारोवार भएको थियो ।
हिजो (बुधबार) सुनको मूल्य तोलाको एक लाख ५३ हजार पुगेको थियो ।
त्यस्तै आज चाँदीको मूल्य तोलामा पाँच रुपैयाँले घटेर प्रतितोला एक हजार ८३० मा कारोबार भइरहेको महासंघले जनाएको छ ।
