तानसेन। बुटवलदेखि बागलुङको बुर्तिबाङ आउँदै गरेको यात्रुबाहक बस दुर्घटना हुँदा एकजना महिलाको मृत्यु भएको छ भने ३८ जना घाइते भएका छन्।
आज बिहान बुटवलदेखि बुर्तिबाङतर्फ आउँदै गरेको लु१ख ५९५६ नम्बरको बस पाल्पाको तिनाउ गाउँपालिका-५ जोरधारा नजिकै बिहान ९ बजे दुर्घटनामा परेको हो । दुर्घटनामा एक जनाको मृत्यु भएको र ३८ जना घाइते भएका जिल्ला प्रहरी कार्यालय पाल्पाका प्रवक्ता एवं प्रहरी नायब उपरीक्षक वीरेन्द्र थापाले जानकारी दिए।
मृत्यु हुनेको पहिचान नखुलेको उनले बताए । घाइते सबैलाई लुम्बिनी मेडिकल कलेजमा पठाइएको थापाले जानकारी दिए। घाइते अधिकांशको अवस्था गम्भीर रहेको प्रहरीले जनाएको छ । बस भिरमा अड्किएको बताइएको छ ।