तानेसन । नयाँ वर्षको दिन घुम्न जाँदा चिप्लिएर पोखरीमा डुबेका युवकको उपचारको क्रममा निधन भएको छ ।

नयाँ वर्षको दिन आज रुपन्देहीको सिद्दार्थ नगरपालिका-१२ बेलहीया बस्ने बर्ष २० को शिवम जैसवाल आफ्ना साथीहरुसँग पाल्पाको तिनाउ गाउँपालिका-३ भुतखोला मा रहेको पोखरीमा घुम्न आएका थिए ।

साथिहरूसँग घुम्न आएका जैसवाल फोटो खिच्ने क्रममा बिहान साढे १० बजे चिप्लिएर पोखरीमा डुबेका थिए ।

पोखरीमा डुबेका जैसवालको उद्दार गरी उपचारको लागी लुम्बिनी प्रादेशीक अस्पताल, बुटवलमा पठाईएकोमा उपचारको क्रममा चिकित्सकले मृत घोषित गरेको जिल्ला प्रहरी कार्यालय पाल्पाका प्रवक्ता डिएसपी वीरेन्द्र थापाले केटिएम दैनिकलाई बताए।