काठमाडौं। संयुक्त राष्ट्रसंघको आव्हानमा शान्ति स्थापना कार्यको लागि नेपाली सेनाका १६३ जना अफ्रिका प्रस्थान गरेका छन् ।
सेन्टर अफ्रिका रिपब्लिकामा रहेका नेपाली सेनालाई अदलीबदली गर्नको लागि हिजो काठमाडौंबाट सेनानी केशव बहादुर थापाको नेतृत्वमा मिसन इलाकातर्फ प्रस्थान गरेको नेपाली सेनाको जनसम्पर्क तथा सूचना निर्देशनालयले जनाएको छ ।
भवानीबक्स गण पाँचौं डफ्फा र श्री सैनिक प्रहरी युनिट आठौं डफ्फाका १६३ जना सैनिकहरुको इथोपिया एअरलाइन्समार्फत काठमाडौंबाट उडेका हुन् ।
प्रमुख सेनानी रित बहादुर रानाभाटको कमाण्डमा खटिएको उक्त गणका ४६७ तथा सैनिक प्रहरी युनिटका १०३ जना गरी जम्मा ५७० सकलदर्जाहरु यस अगावै मिशन ईलाकामा पुगिसकेको नेपाली सेनाले जनाएको छ ।
यस्तै, उक्त मिशनमा तैनाथ श्री जबरजंग गण, चौथो डफ्फा र श्री सैनिक प्रहरी युनिट, सातौं डफ्फाका १६२ जना सैनिकहरु प्रमुख सेनानी राजेश बिक्रम शाहीको नेतृत्वमा हिजो नै स्वदेश फिर्ता भएका छन् ।
