काठमाडौं । सामान बेच्ने अनलाइन हाम्रोबजार डटकम मार्फत नक्कली विज्ञपान बनाएर विभिन्न व्यक्तिहरूलाई ठगि गरेको आरोपमा प्रहरीले एक जनालाई पक्राउ गरेको छ ।
यसरी पक्राउ पर्नेमा हुम्लाको सिमिकोट गाउँपालिका-४ घर भई हाल भक्तपुरको बालकोट बस्ने वर्ष २४ को उपेन्द्र शाही रहेका छन् । उनलाई काठमाडौं उपत्यका अपराध अनुसन्धान कार्यालय, मिनभवनको टोलीले बालकोटबाट पक्राउ गरेको हो ।
शाहीले आइफोन १४ प्रो म्याक्स लगायत महँगो मूल्यका आइफोन सस्तो मूल्यमा बिक्रीमा छ भन्दै विभिन्न विज्ञापन बनाएर राख्ने गरेको खुलेको छ ।
मोबाईल किन्ने ब्यक्तिहरु सम्पर्कमा आएपछि मोबाईलको मूल्य, डेलिभेरी, कुरियर चार्ज जस्ता बिभिन्न प्रयोजनमा रकम लाग्छ भन्दै रकम लिएपछि सम्पर्कबिहीन हुने गरेका थिए ।
पक्राउ परेका शाहीलाई आवश्यक अनुसन्धान एवं कारवाहीको लागी जिल्ला प्रहरी परिसर टेकु, काठमाण्डौंमा पठाईएको कार्यालयका प्रवक्ता प्रहरी उपरीक्षक रविन्द्र रेग्मीले बताए ।