काठमाडौँ । केटीको नाममा नक्कली फेसबुक प्रोफाइल खोल्दै ६० लाख रुपैयाँ ठगी गरेको आरोपमा प्रहरीले एक जनालाई पक्राउ गरेको छ।
यसरी पक्राउ पर्नेमा पर्वतको मोदी गाउँपालिका-२ घर भएका २६ वर्षीय विश्व शर्मालाई रहेका छन् । प्रहरीको साइबर ब्युरोले उनलाई चैत २३ गते घरैबाट पक्राउ गरेको ब्युरोका प्रवक्ता प्रहरी उपरीक्षक पशुपतिकुमार रायले बताए।
शर्माले महिला बनेर नक्कली फेसबुक प्रोफाइलबाट साथी बनाउँदै माया प्रेमको कुरा गर्ने र विभिन्न बहानामा रकम माग्ने गरेका थिए ।
उनले एकै व्यक्तिबाट ६० लाख रुपैयाँ ठगेको खुलेको छ । प्रहरीले ठगीमा परेमा व्यक्तिको गोपनीयताको कारण नाम सार्वजनिक गरेको छैन ।
पक्राउ परेका शर्मालाई चैत २४ गते काठमाडौँ जिल्ला अदालतबाट ५ दिन म्याद लिएर थप अनुसन्धान जारी रहेको साइबर ब्युरोले जारी गरेको विज्ञप्तिमा उल्लेख छ ।
शर्माविरुद्ध सामाजिक सञ्जाल दुरुपयोगअन्तर्गत मुद्दा दर्ता गरिएको छ।