काठमाडौँ । क्रिकेटर सन्दीप लामिछाने विरुद्धको मुद्दाको अन्तिम बहसको पेशी आज स्थगित भएको छ। काठमाडौँ जिल्ला अदालतमा सोमबारका लागि तोकिएको मुद्दाको पेशी सन्दीप पक्षको वकिलको निवेदनका कारण स्थगित भएको हो ।
बलात्कार आरोपको फैसलाका लागि थुनछेक आदेश गरेका न्यायाधीश माधवप्रसाद घिमिरेको इजलासमा उक्त मुद्दाको पेशी परेको थियो। यसअघि घिमिरेको इजलासले सन्दीपलाई मुद्दा पुर्पक्षका लागि थुनामा पठाउने आदेश गरेको थियो।
तर सन्दीप पक्षका वकिलहरूले निवेदन दिएपछि आजको पेशी स्थगित गरिएको काठमाडौं जिल्ला अदालत स्रोतले जनाएको छ ।
अब सन्दीको अर्को पेशी आगामी साताको सोमबारका लागि तोकिएको छ।
१८ वर्षभन्दा कम उमेरकी महिला (किशोरी)माथि करणी गरेको कसुरमा सन्दीपलाई १२ वर्ष कैद सजायको मागदाबी गरिएको छ। सन्दीप विरुद्ध मुलुकी अपराध संहिता, २०७४ को परिच्छेद १८ को करणीसम्बन्धी कसुरको दफा २१९ को उपदफा ९३० को देहाय (घ) अन्तर्गतको कसुर गरेको अभियोग लगाइएको छ।
