नुवाकोट । नुवाकोटको दुप्चेश्वर गाउँपालिका-२ गाउँखर्कमा एक महिलालाई जबरजस्ती करणी गरेको भन्दै पीडित महिलाका आफन्तले करङ नै भाँचिने गरी कुटपिट गरेका छन् ।
कुटपिटमा पर्नेमा सोही स्थानमा बस्ने वर्ष ६८ को सुकुमान तामाङ रहेको जिल्ला प्रहरी कार्यालय नुवाकोटले जनाएको छ ।
प्रहरीका अनुसार स्थानीय ६१ बर्सिया महिलालाई जबरजस्ती करणी गरेको आरोपमा महिलाका आफन्तले तामाङलाई कुटपिट गरेका हुन् ।
कुटपिटमा परेका तामाङको अहिले जिल्ला अस्पताल त्रिशूलीमा उपचार भइरहेको छ । चिकित्सकले तामाङको दाहिनेतर्फको दुई वटा करङ भाँचिएको जानकारी गराएको प्रहरीले जनाएको छ ।
पीडित महिलालाई अहिले विदुर नगरपालिकाको सेफ हाउसमा राखिएको बताइएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
