अमेरिकी सेना र नेपाली सेनाबीच संयुक्त शैन्य अभ्यास सुरु भएको छ । आइतबार छाउनीस्थित महावीर योजना तथा समन्वय महाशाखामा नेपाली सेना र अमेरिकी सेनाको संयुक्त अभ्यास “Ex-Teak Nail 23-3011” को शुभारम्भ गरिएको हो ।
विशेष फौज बाहिनीपति सहायक रथी भुवन खत्रीको उपस्थितीमा आज शुभारम्भ भएको उक्त संयुक्त अभ्यासमा नेपाली सेनाका ४५ जना तथा अमेरिकी सेनाका १९ जनाको सहभागिता रहेको छ ।
माघ २० गतेसम्म संचालन हुने यस अभ्यासमा हाइ एंगल रेस्क्यू, कम्व्याट सर्च एण्ड रेक्क्यू, एअर क्राफ्ट रेस्क्यू, वाटर रेस्क्यू जस्ता विषयहरु समावेश गरिएको नेपाली सेनाको जनसम्पर्क तथा सूचना निर्देशनालयले जनाएको छ ।
छाउनी र नगरकोट ईलाकामा संचालन हुने उक्त अभ्यासको यो १२ औं संस्करण हो ।
यस किसिमको संयुक्त अभ्यासबाट जल उद्धार र उच्च पहाडी तथा हिमाली क्षेत्रमा खोज तथा उद्धार सम्बन्धि ज्ञान तथा क्षमता अभिबृद्धि हुने वताइएको छ । ।