अधिकारको नाममा हिंसा भड्काउन खोजेपछि नेहा चौधरी र निहारिका राजपुतलाई महोत्तरी प्रहरीले पक्राउ गरेको छ ।
बिहीबार रामगोपाल नगरपालिका-५ रामगोपालस्थित बजार बन्द गराउन आन्दोलनमा उत्रिएका नेहा चौधरी र निहारिका राजपुतलाई पक्राउ गरिएको महोत्तरी प्रहरी प्रवक्ता डिएसपी सन्तोष पोखरेलले केटिएम दैनिकलाई बताए ।
महोत्तरीको रामगोपालपुर नगरपालिका वडा नम्बर ५ की नेहाले श्रीमान पंकज चौधरी सहित ६ जना विरुद्ध मुद्दा दर्ता गराएपनि पंकजलाई मात्रै पक्राउ भन्दै सबैलाई पक्राउ गर्न माग गर्दै आन्दोलनमा उत्रिएका थिइन्।
सासु र ससुरालाई समेत पक्राउ गर्नुपर्ने भन्दै हिजोदेखी रामगोपालपुर बजारमा नेहा स्थानीयको सहयोगमा सडक आन्दोलनमा उत्रेको अवस्थामा हिंसा भड्काउन खोजेको भन्दै प्रहरीले पक्राउ गरेको हो ।
पक्राउ परेको दुवै जनालाई प्रहरी जिल्ला प्रहरी कार्यलय जलेश्वरमा राखिएको छ। अनुसन्धानको लागि पकंज चौधरीलाई प्रहरीले नियन्त्रणमा लिएर अनुसन्धान जारी राखेकै अवस्थामा नेता र निहारिका कसैको उक्साहट र योजनामा सरकारी सम्पतिहरुमा तोडफोड गराएको भन्दै पक्राउ गरिएको डिएसपी पोखरेलले बताए ।
उनीहरूलाई कति दिनसम्म प्रहरी नियन्त्रणमा राखिन्छ भन्ने हाम्रो प्रश्नमा पोखरेल भन्छन् । अहिले छलफल चलिरहेको छ । त्यसपछि मात्र भन्न सकिन्छ ।
पछिल्लो समय विभिन्न आईनजिओ, एनजिओले सस्तो लोकप्रियता कमाउन, कथित अधिकारकर्मीहरुको साथ लिएर भिडबाट न्याय खोज्ने प्रयास गरिरहेका छन् ।
