टी–२० विश्वकप क्रिकेटको सुपर १२ मा भारतले पाकिस्तानमाथि रोमाञ्चक जित हात पारेको छ । मेलबर्न क्रिकेट मैदानमा आइतबार भएको खेलमा भारतले पाकिस्तानलाई चार विकेटले हरायो ।
जितका लागि पाकिस्तानले दिएको एक सय ६० रनको मध्यम लक्ष्य पछ्याएको भारतले २० ओभरमा ६ विकेटको क्षतिमा पूरा गरेको थियो । भारतका लागि विराट कोहलीले अविजित ८२ रनको योगदान दिए ।
हाद्धिक पाण्डेयले ४० र सूर्यकुमार यादवले १५ रन जोडे । बलिङमा पाकिस्तानका हरिश रफ र मोहमद नवाजले दुई दुई तथा नसिम शाहले एक विकेट लिए ।
यसअघि टस हारेर पहिले ब्याटिङ गरेको पाकिस्तानले निर्धारित २० ओभरमा आठ विकेटको क्षतिमा एक सय ५९ रन बनाएको थियो । पाकिस्तानका लागि शान मक्सुदले अविजित ५२ र इफ्तिहार अहमेदले ५१ रन बनाएका थिए ।
शाहिन शाह अफ्रिदीले १६ रन बनाए । अन्य ब्याट्सम्यानले दोहोरो अंकको रन बनाउन सकेनन् । बलिङमा भारतका अर्शदीप सिंह र हाद्धिक पाण्डेयले तीन/तीन विकेट लिए । भुवनेश्वर कुमार र मोहमेद सामीले एक/एक विकेट लिए ।
