देशका ७७ वटै जिल्लामा डेंगीको सङ्क्रमण फैलिएको छ । स्वास्थ्य तथा जनसंख्या मन्त्रालयका अनुसार साउनयता हालसम्म डेंगी सङ्क्रमणबाट देशभर ४५ जनाको मृत्यु भइसकेको छ । हालसम्म देशभर ३७ हजार १३१ जनामा डेंगी सङ्क्रमण पुष्टि भएको छ ।
पहिलोपटक २०६१ मा नेपालमा डेंगी पुष्टि भएको थियो । त्यसयता हरेक वर्षमा नेपालमा डेंगीको प्रकोप देखिने गरेको छ । यो वर्ष भने प्रकोप बढेको छ । यो वर्ष सबै जिल्लामा डेंगी पुष्टि भएको मन्त्रलयले जनाएको हो ।
त्यस्तै पछिल्लो २४ घण्टामा नेपालमा ५४ जनामा कोरोना सङ्क्रमण पुष्टि भएको समेत मन्त्रालयले जनाएको छ ।