पाल्पामा मन्दिर पूजा गर्न जाँदा जीप दुर्घटनामा परेर चार जना घाइते भएका छन् ।
आज (मङ्गलवार) पाल्पाको रैनादेवी छहरा गाउपालिका-३ गोखुङगा स्थित भित्री कच्चि सडक खण्डमा मन्दिरमा पुजा गर्नको लागी जाँदै गरेको लु १ ज २५८३ नम्बरको जीप दुर्घटनामा परेको हो ।
उकालोमा जीप अचानक ब्याक भई सडकमै पल्टन जाँदा उक्त जिपमा सवार १६ जना मध्ये चार जना घाईते भएका छन् । घाइते हुनेहरूमा जिप चालक पाल्पा जिल्लाको रैनादेवी छहरा गाउपालिका-३ छचुवा बस्ने बर्ष ४० को खगेन्द्र बहादुर कुमाला, १८ वर्षीय रितिक परियारको, १७ वर्षीय सुनिल परियार र सोही वडाको छचुवा बस्ने २१ वर्षीया सरिता कुमाल छन् ।
यीमध्ये रितिक परियार र सुनिल परियारको अवस्था गम्भिर देखिएको पाल्पा प्रहरी प्रवक्ता डिएसपी वीरेन्द्र थापाले केटिएम दैनिकलाई बताए । घाइतेहरूको जिल्ला अस्पताल तानसेनमा उपचार जारी छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
