नेपाल प्रेस युनियनको हेटौंडामा जारी नवौं महाधिवेशनको लागि पदाधिकारीहरूको अन्तिम मतपरिणाम सार्वजनिक भएको छ ।
निर्वाचन समितिले जारी गरेको मतपरिणाम अनुसार पदाधिकारीमा केही पदबाहेक बाँकी रहेका पदहरूमा संस्थापन इतर पक्षकै उम्मेदवारहरू विजयी भएका छन् ।
अध्यक्षमा इतर समूहका शिव लम्साल ७४५ मतका साथ निर्वाचित भएका छन् । अध्यक्षमा संस्थापन पक्षका उम्मेदवार अनिता विन्दुले ६१२ मत पाउँदा अर्का उम्मेदवारको भुवन भट्टले जम्मा १९ मत पाएका छन् ।
वरिष्ठ उपाध्यक्षमा इतर पक्षकै प्रेम केसी ६८४ मतले निर्वाचित हुँदा संस्थापन पक्षका सरोज अधिकारीले ६६५ मत पाएका छन् ।
उपाध्यक्ष खुला दुई पदको लागि भएको निर्वाचनमा नकुल अर्याल ७७५ मत र भिष्मराज ओझाले ६४० मत पाएर निर्वाचित हुँदा राममणि दाहालले ५९५ र शेखर रेग्मीले ३९५ मत पाएका छन् ।
उपाध्यक्ष महिला मा सलोजा दाहाले ७२० मतका साथ निर्वाचित हुँदा कल्पना शर्माले ६१९ मत पाइन् ।
उपाध्यक्ष प्रदेश नम्बरमा १ मा डिल्लीराम खतिवडा ५६० मतले निर्वाचित हुँदा हेमराज दाहालले ४२९ र लवदेव ढुंगानाले २९० मत पाए ।
उपाध्यक्ष मधेश प्रदेशमा अनिल कर्ण ६४८ मतका साथ निर्वाचित हुँदा सोही पदका उम्मेदवार रोशन कुमार न्यौपानेले ६२३ मत पाए ।
उपाध्यक्ष गण्डकी प्रदेशमा ऋषिकान्त पौडेल ६७३ मतका साथ निर्वाचित हुँदा ओमकार आचार्यले ६०१ मत पाए ।
उपाध्यक्ष लुम्बिनी प्रदेशमा माधव प्रसाद अर्याल ७०१ मतले निर्वाचित हुँदा जर्नादन घिमिरेले ५८२ मत पाए ।
उपाध्यक्ष कर्णाली प्रदेशमा राजेन्द्र बहादुर कार्की ६६९ मतका साथ निर्वाचित हुँदा भानुभक्त खड्काले ५९९ मत पाए ।
उपाध्यक्ष सुदूरपश्चिम प्रदेशमा तीन जना उम्मेदवार रहेकोमा प्रेम चुनारा ५५२ मतका साथ निर्वाचित हुँदा मुकुन्द प्रसाद भण्डारीद्ये ५४१ र मिन बहादुर बमले १८९ मत प्राप्त गरे ।
उपाध्यक्ष उपत्यका मा जिवन भण्डारी झण्डै दोब्बर मतले निर्वाचित भए । निर्वाचित भएका भण्डारीले ८४२ मत पाउँदा सोही पदका उम्मेदवार निरज खतिवडाले ४६२ मत पाए । भण्डारी अनलाइन टिभी एशोसिएसनका अध्यक्ष समेत हुन् ।
महासचिवमा दिलिप पौडेले ८७८ मतका साथ निर्वाचित हुँदा जगन्नाथ दुलालले ४५१ मत पाए । निर्वाचित पौडेल सरोकार टिभी न्यूज एजेन्सीका सञ्चालक हुन् ।
उप-महासचिव खुल्ला तीन पदको लागि युवराज गौतम (७३७ मत), कमल पन्त (५७७ मत) र रविन्द्र सुवेदी ५५८ मत का साथ निर्वाचित भए । अन्य उम्मेदवार केशव सावदले ५५६ मत पाए भने विष्णु खड्काले ४९४ र सन्तोष रेग्मीले ५४४ मत पाए ।
उप-महासचिव महिला दुई पदमा सुलोचना गौतम ६९० मत र दिलिपाश्री अधिकारी ६८१ मतका साथ निर्वाचित हुँदा कुसुम वि.क. (सेञ्चुरी) ले ५०९ र जानुका बरालले ५२४ मत पाए ।
उप-महासचिव समावेशी मा अभय कुमार राई ७१३ मतका साथ निर्वाचित हुँदा पवन श्रेष्ठले ५२९ मत पाए ।
सचिव खुल्ला चार पदमा केदार प्रसाद दाहाल ६७७ मत, भुवन शर्मा ६३७ मत, तिर्थराज बस्नेत ५८० मत र गुरुप्रसाद गौतम ५७१ मतका साथ निर्वाचित भए ।
सचिव महिला तीन पदमा मेनुका ढुंगेल ८०१ मत, पुष्पा शर्मा ६४४ मत र रेजिना गौतम ६३९ मतका साथ निर्वाचित भए ।
सचिव आदिवासी/ जनजाति पदमा लालकुमार मोक्तान ७४१ मतका साथ निर्वाचित हुँदा शुशिल थकालीले ५०५ मत पाए ।
सचिव मधेशीमा अदित तिवारी ६५४ मत, सचिव दलितमा राजन रुचाल ६४४ मत, सचिव पिछडिएको क्षेत्रमा एल.पी देवकोटा ६६२, सचिव खस आर्यमा युवराज रेग्मी ६३४ मत, सचिव रेडियो माध्यममा नरहरि सापकोटा ७३४ मत, सचिव छापा माध्यममा राधा खनाल ७३० मत र कोषाध्यक्षमा माधव धिताल ६७४ मतका साथ निर्वाचित भएका हुन् ।
कूल एक हजार ६८७ मतदाता रहेकोमा एक हजार ३९७ मत खसेको निर्वाचन समितिले जनाएको छ ।