नेपाल प्रेस युनिनयनको हेटौंडामा जारी मतपरिणाममा अध्यक्षमा शिव लम्साल अगाडि रहेका छन् ।
अहिलेसम्म ६०२ मतको गणना हुँदा संस्थापन इतर प्यानलका लम्साल संस्थापन पक्षकी अनिता विन्दुभन्दा ४५ मतले अगाडि छन् ।
पछिल्लो मतपरिणाम अनुसार लम्सालले ३१६ मत पाउँदा विन्दूले पाएको मत २७१ छ ।
त्यस्तै केन्द्रीय उपाध्यक्ष (बागमती) मा गिरिजा प्रसाद अधिकारीले २९१ मत पाउँदा मुरारी अधिकारीले २८५ मत पाएका छन् । उनीहरू बीच ६ मतको अन्तर रहेको छ ।
उपाध्यक्ष खुला दुई पदको लागि नकुल अर्यालले ३४२ मत, भीष्मराज ओझाले २८० रामजी दाहालले २५० मत र शेखर रेग्मीले १८१ मत पाएका हुन् । अर्यालले यसरी नै मतान्तर कायम राखे भने उनको जित निश्चित देखिएको छ ।
कूल एक हजार ६८७ कुल मतदाता रहेकोमा एक हजार ३९७ मत खसेको निर्वाचन समितिले जनाएको छ ।