पत्रकारिता छाडेर राजनीतिमा प्रवेश गरेका रवि लामिछानेले ‘राष्ट्रिय स्वतन्त्र पार्टी’ नामक दल दर्ता गर्नको लागि निर्वाचन आयोग पुगेका छन् ।
मंगलबार राष्ट्रिय सभा गृहमा घोषणा सभा सक्नेबित्तिकै उनी उनको समूह निर्वाचन आयोग पुगेको छ । सो पार्टीको चुनाव चिह्न घण्टी रहेको छ ।
घोषणासभामा उनले आफू पुराना कुनै पनि दलमा प्रवेश नगर्ने बताए । ‘धेरै मानिसले भने नयाँ दल बनाउन निकै कठिन हुन्छ । जिल्ला जिल्लादेखि वडा वडासम्म मान्छे राख्नुपर्छ । ती मान्छे कहाँ पाउनु,’ लामिछानेले भने ।
उनले आफू केही गर्न नसक्ने अवस्था पार्टीमा नरहने बताए । उनले स्वतन्त्र ढंगले उम्मेदवारी दर्ता गर्न आउनेका लागि आफूले स्वागत गर्ने बताए ।