सत्ता गठबन्धन निकट विभिन्न पत्रकार संगठनहरुले संयुक्त विज्ञप्ति जारी गर्दै गठबन्धन उम्मेदवारका पक्षमा मत मागेपछि नेपाल प्रेस युनियन काठमाडौं शाखाका पूर्व अध्यक्ष नकुल अर्यालले आपत्ति जनाएका छन् ।
अर्यालले सामाजिक सञ्जाल मार्फत “स्वतन्त्र र निष्पक्ष निर्वाचनमा विवेकसम्मत ढंगले नागरिकले गाेप्य मतदान गर्ने अधिकार” काे अपमान हुनेगरी “अमुक पार्टी वा गठबन्धनलाई नजिताए देश द्वन्द्वकाे भूमरीमा जानसक्ने भनी” दिएको सन्देशप्रति आफ्नो गम्भीर आपत्ति भएको बताएका हुन् ।
श्रमजीवी पत्रकारकाे पेशागत हकहित र प्रेस तथा अभिव्यक्ति स्वतन्त्रता रक्षाकाे भन्दा अमुक नेता र पार्टीको पक्षमा उभिने निर्णय नेपाल प्रेस युनियनको कुनै वैधानिक संरचनाबाट नभएकाेले यस्ता हर्कतकाे पछाडि नलागी विवेकसम्मत ढंगले मतदानकाे लाेकतान्त्रिक अधिकार प्रयाेग गर्न उनले सबैमा अनुरोध समेत गरेका छन् ।
केटिएम दैनिकसँगको कुराकानीमा उनले भने, ‘हामी प्रेस युनियलाई पत्रकारहरुकाे संस्था बनाउन चाहन्छाै । प्रेस युनियनको कुनै पनि वैधानिक संरचनाबाट यस्तो निर्णय भएको छैन । याे पत्रकार आचारसंहिताकाे पनि बर्खिलाप छ । याे निर्णय विरुद्ध प्रेस युनियनका पत्रकारहरुकाे विस्तारित बैठक आइतबार बसेर उचित निर्णय लिन्छाै ।’