नेकपा एमाले केन्द्रीय सचिव योगश भटराईले देशभरीबाट एमाललेले ५० लाख भन्दा बढी मत ल्याउने बताएका छन् ।
प्रेस चौतारी नेपाल जिल्ला कमिटी झापाले आज आयोजना गरेको पत्रकार भेटघाट कार्यक्रममा बोल्दै पार्टीका केन्द्रीय सचिव भटराईले सत्तारुढ गठबन्धन दलले अहिलेका मतदातालाई बधुवा मजदुर बनाएर राख्न नसके आममतदाताहरु आफै स्वतन्त्र रहेको बताए ।
उनीहरुले सही विवेक प्रयोग गरेर मतदान गरी बैशाख ३० गते हुने स्थानिय तहको निर्वाचनमा एमालेले उत्कृष्ट मत सहित विजय हासिल गर्ने बताए । एमालेले मुलुक र राष्ट्रियताको पक्षमा लडेको,भारतसंग हिजो रहेको ल्याण्डकलाई परिमार्जन गरेर ल्याण्डलिङ्क को काम ओली सरकारले गरेका कारण अहिलेका युवा मतदाताहरुले एमालेलाई भोट हाल्ने बताए ।
गठबन्धन सरकारकारले कालोधनलाई सेतो बनाउने काम गर्न राष्ट्र बैकका गर्भनरले नमानेपछि उनलाई निलम्वनको कारवार्ही गरेको पूर्व पर्यटन मन्त्री भटराईले आरोप लगाए । बैशाख ९ गते नेपाल कम्युनिष्ट पार्टी स्थापना दिवसको दिन सबै स्थानीय तहका उम्मेदवार घोषण गर्ने पनि भटराईले बताए ।
प्रेस चौतारी नेपाल जिल्ला कमिटी झापा अध्यक्ष मनकुमार गदालको अध्यक्षतामा भएको कार्यक्रममा पत्रकारको जिज्ञासामा भट्टराईले हिजो देखि प्रजातन्त्र र लोकतन्त्रको हिमायती ठान्ने कांग्रेसले अहिलेको गठबन्धन सरकारले गरेको निर्णयको विरोधमा कांग्रेसकै कार्यकर्ता उत्रिएको समेत बताए ।