नेकपा माओवादी केन्द्रको पोखरा महानगर कमिटीले अध्यक्ष पुष्पकमल दाहाल प्रचण्डकी जेठी बुहारी सिर्जना त्रिपाठीलाई उपप्रमुखको उम्मेदवारमा सिफारिस गरेको छ ।
सोमबार बसेको महानगर कमिटीको पूर्ण बैठकले पोखराको प्रमुख र उपप्रमुखमा ३–३ जनाको नाम सिफारिस गर्दा प्रचण्डकी बुहारी त्रिपाठीको पनि नाम परेको हो । प्रचण्ड पुत्र स्व. प्रकाश दाहालले बिना मगरसँग विवाह गरेपछि राजनीतिमा सक्रिय भएपनि सिर्जना छुट्टै बस्दै आएकी थिइन् ।
सिफारिस गरिएको पोखराको प्रमुखका लागि बखानसिंह गुरुङ, विश्वप्रकाश लामिछाने र सीता खड्काको नाम परेको छ । उपप्रमुखमा भने त्रिपाठी सहित गोमा ढकाल र सूर्यप्रकास तिवारीको नाम सिफारिसगरिएको महानगर कमिटी ले जनाएको छ ।
प्रचण्डकी बुहारी भएका कारण कास्कीमा त्रिपाठीलाई महत्त्वका साथ हेर्ने गरिएको छ ।
पोखरामा एकीकृत समाजवादीले दाबी गरेको छ । तर कास्की कांग्रेसले एक विज्ञप्ति जारी गरेर एकीकृत समाजवादीसँग तालमेल गर्न नसक्ने जनाएको छ । काठमाडौंमा आज बसेको गठबन्धन दलहरुको बैठकमा पनि पोखरा महानगरबारे सहमति जुट्न सकेन ।