झडपमा घाइते भएका जनता समाजवादी पार्टीका प्रमुख सचेतक एवम् सर्लाही क्षेत्र नं. १ का संघीय सांसद प्रमोद शाहलाई हेलिकोप्टरमा काठमाडौं ल्याइएको छ।
सर्लाहीको ईश्वरपुर नगरपालिका-६ बयलबास बजारमा बाटोको विषयमा स्थानीय युवासँग विवाद भएपछि झडप हुँदा सांसद साहको टाउको र पिठ्युमा गम्भीर चोट लागेको थियो। गम्भीर घाइते भएका साहको स्थानीय अस्पतालमा उपचारपछि थप उपचारका लागि काठमाडौं ल्याइएको हो।
शनिबार इश्वरपुर नगरपालिका–६, बयलवास बजारमा दुई पक्षबीच झडप भएको हो । झडपमा दुबै पक्षका स्थानीयबीच ढुंगामुडा भएको थियो । सोही क्रममा ढुंगाले लागेर सर्लाही क्षेत्र नम्बर–१, का सांसद घाईते भएका हुन् ।
आक्रमणबाट जनता समाजवादी पार्टी नेपालका प्रमुख सचेतक एवं केन्द्रीय सदस्य साह घाइते भएका थिए । उनका साथमा रहेका सुरक्षा गार्डलाई पनि कुटपिट भएको बताइएको छ । गार्डको पेस्तोल पनि खोसिएको छ ।
विवाद उत्कर्षमा पुगेको अवस्थामा सांसद साह घटनास्थल पुगेलगतै झडप भएको ईलाका प्रहरी कार्यलय केश्वरगंजले जनाएको छ । उक्त क्लवको भवन बाटोमा परेको भन्दै केही समय पहिला आधा भत्काइएको थियो ।
सडक छुट्टाएर बाँकी जग्गामा एक पक्षले क्लवको भवन बनाउन खोजेका थिए ।
इलाका प्रहरीलाई बुझाए पेस्तोल र गोली
यसैबीच घटनामा साहको सुरक्षागार्ड असइ विनोदप्रसाद यादवले बोकेको पेस्तोल र गोली युवाहरुले ईलाका प्रहरी कार्यालयमा बुझाएका छन्।
यादवको साथमा रहेको पेस्तोल र ७ राउन्ड गोलीसमेत युवाहरुले खोसेर लगेको लगेका थिए। उनीहरुले ईलाका प्रहरी कार्यालयमा बुझाएका हुन्।