प्रतिनिधिसभाको भोली (आइतबार) बस्ने बैठकमा एमसीसीमाथि छलफल हुने कार्यसूची सार्वजनिक गरिएको छ ।
संघीय संसद सचिवालयले शनिबार (आज) सार्वजनिक गरेको आइतबारको बैठकको सम्भावित कार्यसूचीको दोस्रो नम्बरमा एमसीसीमाथि छलफल हुने उल्लेख गरिएको छ ।
‘अर्थमन्त्री जनार्दन शर्माले नेपाल सरकार र अमेरिकी सहयोग निकाय मिलेनियम च्यालेन्ज कर्पोरेसन (एमसीसी) बीच भएको अनुदान सहायता सम्झौतामाथि सामान्य छलफल गरियोस् भनि प्रस्ताव प्रस्तुत गर्नुहुने,’ कार्यसूचीमा उल्लेख छ ।
बैठक आइतबार दिउँसो १ बजे बस्नेछ । दलहरूबीच सहमति जुटाउन नसक्दा लगातार संसद बैठक स्थगित हुँदै आइरहेको छ भने अर्थमन्त्रीले संसद् बैठक छल्न अनेक बहाना बनाउँदै आइरहेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
