मोरङको सुन्दरहरैँचा नगरपालिका–४ बलियाको श्रेष्ठ होटेल एन्ड फेमिली लजमा गत माघ ७ गते महिलामाथि भएको सामूहिक बलात्कार घटनामा संलग्न तीन जनालाई कारागार चलान गरिएको छ ।
जिल्ला अदालत मोरङले बुधबार बलात्कारमा संलग्न होटल सञ्चालक सुन्दरहरैँचा नगरपालिका–४ का ३५ वर्षीय अर्जुन भनिने हिमकुमार श्रेष्ठ, उनका भाइ २५ वर्षीय सुरज श्रेष्ठ र झापाको मेचीनगर नगरपालिका–३ का २७ वर्षीय रामबहादुर नेपाली भनिने सुधान्सु दर्जीलाई पुर्पक्षका लाथि थुनामा राख्न आदेश दिएको हो ।
जिल्ला अदालत मोरङका सूचना अधिकारी हेमबहादुर बुढाथोकीले न्यायाधीश शिशिरराज ढकालको इजलासले आदेश दिएपछि तीनै जनालाई कारागार चलान गरिएको जानकारी दिए । उनका अनुसार उनीहरूलाई पछि ठहरेबमोजिम हुनेगरी तत्काल प्राप्त प्रमाणका आधारमा इजलासले थुनामा पठाएको हो ।
मङ्गलबार उनीहरूलाई प्रतिवादी बनाएर मुद्दा दर्ता गरिएको थियो । प्रहरीले अनुसन्धान सकेर मिसिल बुझाएपछि जिल्ला सरकारी वकिल कार्यालय मोरङले अभियोगपत्र तयार गर्दै अभियुक्तहरूविरुद्ध मङ्गलबार मुद्दा दायर गरेको थियो । अभियुक्तहरुसँग अदालतले बयान लिएपछि वादी नेपाल सरकार र प्रतिवादीतर्फका कानुन व्यवसायीबीच थुनछेक बहस भएकोे थियो ।
गत माघ ७ गते शुक्रवार साँझ सुनसरीको इटहरीबाट बहिनीको घर जाँदै गरेकी बेलबारी नगरपालिका–४ की ३० वर्षीया महिलामाथि सामूहिक बलात्कार भएको थियो । आफ्ना दुई छोरा र दुई छोरीका साथ सुन्दरहरैँचा गछियास्थित आफ्नी बहिनीकोमा बस्दै आएकी उनी इटहरीस्थित एउटा घरमा काम गर्थिन् । काम थालेको पहिलो दिन काम सकेर बहिनीको घरमा फर्कँदै गरेकी उनले बाटो बिराएकी थिइन् ।
गछिया चोकमा उत्रिएर अर्को एउटा गाडीमा रहेका रामबहादुर नेपाली भन्ने सुधान्सु दर्जीलाई बहिनीको गाउँबारे सोधेकी थिइन् । रामबहादुरले बहिनीको घर लगिदिने भन्दै साँझ ६ बजेतिर प्रदेश २–०१–००१ च २२७ नम्बरको गाडीमा राखेर बलियास्थित होटेल पु¥याएका थिए । ती महिलालाई रामबहादुरले बेहोस बनाउने वस्तु खान दिएर र सुँघाएर गछियाबाट बलियास्थित श्रेष्ठ होटेल एन्ड फेमिली लज पु¥याएको अनुसन्धानबाट खुलेको छ ।
अपहरण शैलीमा पु¥याइएकी उनलाई दर्जी, श्रेष्ठ दाजुभाइले पालैपालो बलात्कार गरेका थिए । प्रतिकार गर्न खोज्दा रामबहादुरले यौनाङ्गमा हात छिराएर क्षतविक्षत पारेका थिए । यौनाङ्ग क्षतविक्षत भएर अत्यधिक रक्तश्राव भएपछि बेहोस बनेकी बलात्कार पीडित महिलालाई उपचारका लागि विराटनगरको कोसी अस्पतालमा भर्ना गरिएको थियो ।
