किशोरीलाई गर्भवती बनाएको आरोप लागेका एक जनाले सफाइ पाएका छन् । जिल्ला अदालत धनुषामा सोमबार भएको अन्तिम सुवाइमा धनुषा महेन्द्रनगरका २४ वर्षीय शिवराज श्रेष्ठले सफाइ पाएका हुन् ।
उनीमाथि महोत्तरी जलेश्वरकी १८ वर्षीया एक किशोरीलाई गर्भवती बनाएको आरोप लागेको थियो ।
न्यायाधीश पशुराम भट्टराईको एकल इजलासले सोमबार संक्षिप्त आदेश दिँदै श्रेष्ठलाई सफाइ दिएको अदालतका श्रेस्तेदार विकास बस्नेतले जानकारी दिए ।
उनका अनुसार जाहेरीवालाको तर्फबाट अधिवक्ता रिंकुकुमारी यादवले बहस गरेकी थिइन् । प्रतिवादीको तर्फबाट श्याम कुमारी मिश्र र प्रदीप मिश्रले बहस गरेका थिए ।
फेसबुक लाइभ मार्फत न्याय माग्दै निहारिका !
म अविवाहित आमा निहारिका राजपुत । ३ वर्षदेखि आफ्नो पेटमा बच्चा बोकेर अदालत धाइरहेको थिएँ । जुन मान्छेले मलाई बलात्कार गर्यो, त्यसले आज सफाइ पायो । हाम्रो देशको मरेको न्याय । कसरी म अब कानूनमाथि विश्वास गर्नु रु कसरी सफाई पायो मलाई जवाफ चाहियो । कानूनबाट चाहियो, नेपालको सरकारबाट चाहियो ।
यदि मैले सुसाइड गरेँ भने मेरो बच्चा अनाथ हुन्छ । त्यसको जिम्मेवार कानून हुन्छ, जिल्ला प्रहरी कार्यालय धनुषा हुन्छ । म कसैलाई पनि छाड्दिनँ । सबैले मिलेर पैसा खाएर मलाई अन्यायमा पारेका छन् । मलाई जवाफ चाहियो ।
त्यो मान्छे सात महिनादेखि थुनामा थियो । डेढ वर्षदेखि फरार थियो । यदि अपराधि थिएन भने किन फरार भयो रु किन लुक्यो डेढ वर्ष रु आज उसले सफाई पायो । मेरो बच्चालाई न्याय खोई रु आज म पिडित भएँ, भोली अर्को निहारिका हुनेछ ।
हिजोसम्म मेरो भोलि पेशी छ, आउँ कि नआउँ भन्दा मेरो वकिलले समेत मलाई रोक्यो । सबैले पैसा खाएका छन् । सबैले रोके मलाई, तिमी नआउ, भोलिको पेशी सारिदिन्छु भनेर । जब म त्यहाँ पुग्न सक्दिनँ भनेपछि फैसला गराइयो ।