माछा लिएर तराईबाट काठमाडौं आउँदै गरेको पीकअफ भ्यान दुर्घटनामा परेको छ ।
बारा जिल्लाबाट करिव ३५० केजी माछा लिएर काठमाडौं आउँदै गरेको प्र ३ ०१२४ च ४८७५ नम्बर पिकअप भ्यान बुधबार बिहान फर्पिङमा दुर्घटनामा परेको हो ।
सडकबाट करिव २० फिट तल झरेको उक्त पिकअप भ्यानमा ब्याट्रीको तार सर्ट भएर पूर्णरुपमा जलेको छ । दुर्घटनामा कुनै पनि मानविय क्षति भने भएको छैन ।
गाडी चालक मकवानपुर जिल्लाको बस्तिपुर बस्ने करिब ३२ वर्षिय प्रदीप थिङ्ग रहेका थिए। गाडी चालक र गाडीमा सवार रहेका युवा सकुशल रहेको बताइएको छ ।
गाडी धनी सिरहाको लहान नगरपालिका वडा नम्बर ८ बस्ने रमेश आनन्द रहेका छन् । उनले १ वर्ष अगाडि उक्त पिकअप भ्यान फाइनान्समा किनेको बुझिएको छ ।